IBAN MANSANG

RESTU ILMU SMKBR

2010-09-26T19:48:00.000-07:00

:::airmata keinsafan....segi aku beri ke kitak apai indai pemutus peresa ti pemadu manah.::

Saharitu, 7.30 pagi pengawa RESTU ILMU PMR SMKBR 2010 udah dipejadika di Dewan Sri Balai. Pengawa tu dipejadika ngambi bala anembiak ke ngambi PMR 2010 ti deka datai minggu dimua nyin ila.... Mayuh ga hati sida tebunsa ninga jaku ajar, jaku lalai bala pengajar ti betuai ke Pengajar Stainley Albert Aggu ngau Pengajar Tini Numpang serta Pengetua. Pia mega bisi datai bala pengajar ke ngajar sida form 3. Bala apai indai nembiak mega sama bela bisi datai... Aimata nyadi ke tanda keinsafan bala anembiak. Mayuh mega bala apai indai enda ulih ngetatka diri ari aimata ke ka labuh nelusur dagu......

HUjan

2010-09-19T21:44:00.000-07:00

Dalam pengidup kitai di dunya tu...bsi maya hujan turun enda temu maya. Bsi ga maya hujan trun ngau balat, bsi ga hujan ti semina memesi..bsi ga hujan nyala....Ney wai...kekadang kitai ngau enti hujan aja-aja, bsi ga maya kitai nganu ti hari lalu nadai hujan2...

Baka nya mega dalam pengidup kitai. Bisi maya kita ngasai cukup pedis....moral down....PUJI TUHAN!!!! nya tanda Tuhan bsi ngau kitai...IYA ka nguji kitai... awak ke meh aimta nyadi ke ganti hujan...ngambi ati lantang lega....

Belega Enda Lama

2010-07-30T00:01:00.000-07:00

Segi baka ga kitai ga.... Enda berasai begulai bekaban... Bisi maya ga kita misah ari pangan diri... Nama kebuah kini enti maya kitai beserara kitai segi chukp penusah... Nya meh ko jaku orang, maya kitai benung begulai bisi ga maya kitai belaya..Tang nya meh ke nyadi pengingat kitai ti lebuh udah jauh ari pangan diri. Nya baru kitai ngasai semua utai kenya meh paling manis enti lebuh ati tekenang ka.....

Selamat Betemu Baru

2010-02-15T20:19:00.001-08:00

Halu semua bala kaban. Minta ampun mayuh-mayuh laban rumah panjai aku tu nyau berupai repa amat diatu. Kebuah pia laban aku tu jarang amai ulih pulai nemuai ke menua diri. Nama berita baka taun tu kini kita semua???? Bisi isur kini sepengudah ke nyau semak dua bulan udah ngelunggah taun 2010????

Selamat Betemu Baru

2010-02-15T20:19:00.000-08:00

Aram meh kitai nyaga menua nyaga bangsa

2009-06-24T21:02:00.000-07:00

Tu meh anak-anak bangsa kitai ke ka niri negi ke menua enggau bangsa.

Tu Meh Gaya Generasi Pemuda Tiang Negara Pemudi Harapan Bangsa

2009-06-24T20:58:00.001-07:00

hahaa..... Tu meh gaya bujang berani kempang enda sangu hati nyingkang ke menalan taja nyawa nyadi ke ganti.... Lebuh latihan Nembak di Lapang Sasar Sempadi, Lundu.

Selamat Hari Guru

2009-05-25T21:10:00.000-07:00

2009-03-27T00:08:00.000-07:00

Things may go wrong, but life must go on.
Tears may run dry, but smile must be given.
And evrytime you fall, you should always rise.
Because this is how God teaches human to be strong.

Amat lama ga aku nadai pansut ke ruai aku tu nyau baka ke nadai orang ngempu. Entah meh!!! Ukai nama ga tudah diri ke nadai pansut ke ruai laban pengawa di bilik kelalu mayuh. Nya alai ngau jaku pemuka diatas aku mai kitai sama berati ke jaku nya. Ba aku iya mai reti ti besai. Laban ukai semua maya kitai ngasai ke penyamai ngasai ke pengelantang. bakanya meh utai ti nuntung aku.........tang semengat mesti kering....kapa enda iya datai ngambi bisi endur bumai belajar...

Apai Indai

2009-02-19T18:23:00.000-08:00

Ayah dan ibu
Itulah permulaan kami
Dapatlah melihat bulan dan Matahari
Ahai...

Yang dikurniakan dari Ilahi
Ahai...
Ayah dan ibu
Mestilah dihormati

Ayah dan ibu
Wali dan juga keramat
Pada mereka kita beri hormat
Ahai...

Bagilah tunjuk ajar danNasihat
Supaya hidupSupaya hidup kita akan selamat....

Nya lapa deh, saritu aku mai kitai berandau baru tentang apai enggau indai. Kemari lebuh aku pulai lemai. Aku masa pintu penama sekula tauka pondok pak guard. Lebuh aku ngetu diak berandau enggau pak guard diak, diak aku meda siku apai orang benung ngendas ai mata. Enda ga tudah aku nyangka apa-apa nyadi. Tang lebuh aku makin semak diak apai tuai orangnya lalu nabi aku. Sereta enggaunya iya lalu bejaku "Cikgu, bakani aku ka ngajar anak aku ngambi enda ngaga ulah di sekula agi. Aku udah ambis kira enggau ulah anak aku nya Cikgu. Tu nyau ke tiga kali aku udah dipanggil PK HEM. Aku malu cikgu...." Ko apai tuai orangnya sambil ai mata iya labuh. Aku tekenyit meda ulah apai tuai orangnya.... Aku pan tersentuh....

Aku enggau besai ati madah ke iya endang segi ulah nembiak kemaya ari tu mehnya. Kitai ke apai indai segi nadai ka meda anak kitai nda nyadi mensia jemah ila. Ku aku bejaku. Tapi ke paling manah apai indai mesti nemu ngajar anak ukai meri penyenang aja ukai meri duit pemakai gari sereta endur diau aja tang mesti nemu nyadi kaban sida ke anak.

Nya keni ko kitak deh bala kaban???? Enti ulih anang meh kitai medis ati apai indai. Jaga meh sida. Pelaba aku nadai apai indai orang di dunya tu minta lebih-lebih ari anak sida. Chukup meh enti bala anak nemu menghargai hidup diri empu.....

Haluuuuuuu

2009-02-15T22:09:00.000-08:00

Akaidai.... cukup lelak amat aku semenjak dua menjak tu. Blog aku tu pan baka ke nadai orang diau mega laban kena tating pengawa ke makin mayuh. Asai ke enda ulih enseput laban pengawa ke makin mayuh....ka pen enda ngai ga nyadi udah pengawa diri enti diri enda ngaga sapa agi ka nulung ngaga...nda pia!!!!!

Nama berita semua bala kaban aku ditu????? Bisi asai lelak baka aku kitak kini??? Enti bisi uji nuluing aku keni enda chara ka tackle stress laban tating pengawa ke makin mayuh..... Enti ketu kemaya meh ka ngadu ke pebgidup diri.....masa untuk diri empu pan nadai keni ka magi masa ngagai orang bukai??????

Haluuuuuu....

2009-01-25T00:19:00.000-08:00

Selamat taun baru semua...... hahahahaaaaa........
Udah taun baru cina tu aku di pinta sida ari putrajaya din meri talk selama seminggu di kem similajau untuk wira and wirawati PLKN.....aku arap ke penemu diri enggau semua utai kemisi diri ulih dikunsi ke aku enggau bala anak, bala menyadi kitai din meh ila..... cukup bersemangat aku ka turun ke gelanggang kin...munyi ko jaku orang peluru enggau senapang udah sedia magang semina nganti maya nurun ke medan perang aja tu...... hahahahahah........

Enda chukup ari enggau maya

2009-01-13T19:10:00.000-08:00

Akaidai.... semua kitai bisi 24 jam sehari. Tang enggik aku asai ke enda chukup kenan ngaga pengawa ke betugung. Tesat runding ni bagi ke patut tembu ke dulu. Kiba minta kanan ngipa!!!! EEEEE......... gasak ke diak meh ney. Seminggu ke udah tudah diri tu enda chukup tinduk enda nemu maya tinduk. Pejam lebuh mata ngasai kelalu ngantuk. Demalam pan tudah diri tinduk pukul 4 pagi. Dani baru pukul 7.30 pagi....... ka pan enda pia....

Siru meh, Genggam meh jari, Sium meh kuyu sida

2009-01-12T19:49:00.000-08:00

Halu semua... entah meh nama kebuah saritu aku berasai enda enda tentu nyamai dalam kamai kandang dada. Ingat belama ke apai indai di menua enggau bala menyadi. Ukai nya lama iga ga aku udah mulai kediri ari menua din. Tang aku berasai sinu lebuh tekenang ke tudah diri semina sebatang kara di menua orang nadai bala nyempulang pendiau diri. Ukai ga nama bala semua. Kemari aku bisi macha siti article ba The Borneo Post ke batajuk The Tigger can't Whistle (lebuh kurang kenya meh). Dalam article tu, penulis ngenang cerita kartun ke dipeda iya dalam tv. Siku anak harimau ke amat tusah ati ketegal ke enda nemu ngensung ko jaku kitai. Iya cemburu meda anak jugam enggau siku anak mensia nemu ngensung. Penulis tu ngenang perkara ngensung tu pan bisi nyadi ba kitai mensia. Ukai semua orang nemu ngensung ney. Amat, segi enda bula. Penulis tu madah enti diajar pan ukai baka kitai ngajar A, B, C atau 1, 2, 3 enggau utai semua. Segi betul. Ka bakani meh enti endang enda nemu. Tang bisi ga utai bukai ke ditemu kitai ney amat bisi ga utai ke enda ditemu kitai. Ukai semestinya semua utai ulih diajar apai indai magang. Ba article tu penulis nyebut pasal apai indai ke ngajar kitai nyadi mensia ke beguna.

Ahhhhhh..... nya meh. Kitai ke anak segi nadai kala nemu nama utai ke bersarang dalam hati apai indai kitai. Tambah agi enti apai indai ke ukai orang bisi. Dunya kemaya ari tu, mayuh nembiak ka betunda bebeli ke utai ke enda tentu beguna baka handphone. Eeeee...agi mit ukainya bisi guna amat ga utai ketu. Ambis-ambis lagi agi biak umur udah nemu bechinta berSMS.........Kati enti apai indai nadai pendapatan tetap ko orang, enda ke peminta anak ke lebih-lebih bakatu ngasuh runding sida sendat, seput asai ke direkung. Ngenang diri suba ga aku. Enda ga tudah diri kenya laban nemu keni pengidup kami sebilik. Sampai ke perengka ke bukai pan semadi meh aku ngasuh sida meli. Seagi-agi aku ulih ngiga duit kediri segi enda meh aku minta. Handphone pan aku start ngena lebuh aku udah bisi duit kediri maya udah kereja.

Tinggal ke dulu ga nya. Lebuh pulai ke menua ujung taun tu tadi, diak bos indu aku madah indai sanu udu pengasih. Bala anak udu enda siru enggau iya. Meda tudah tuai sakit (mati tubuh sepiak) tak peneka bala anak menantu ngaga. Enti ka makai tekung enggau pinggai, enti ka mandi tekung enggau pengauk enti ka bejalai binsai ke aja. Enti lebuh sida nadai di rumah tudah tuai di kurung enda asuh tama ke bilik. Kasih amat wai kaban semua. Labuh aimata aku ninga cerita padah bos indu aku.

Berunding ga tudah aku dalam ati. Nama sida nya enda nemu neba ati orang tuai ke sakit kini? Nama sida enda sinu, jari enggau tulangnya meri sida makai nyuap ke asi nyapi sida agi mit suba. Belakang ke dipalunya ke ngemak sida suba, kening ke ditekungnya ke disium lebuh agi mit suba......enda sida ngenang kini???????? Anak nama meh mensia baka tu. Indah mayau ukui nemu siru ke bala diri. Dini enda ati mensia????????

Enti aku enda aku kempang. ndah enti belaban jaku mimit enggau bos laki enggau bos indu aku pan aku udah ka labuh aimata. Anang agi enti nyau medis sida. Amat endar ko jaku sempama. Siku indai ulih ngemesai ke 10 iku anak. bedau tentu 10 iku anank ulih nyaga siku indai!!!!!!!

Kala aku tebaca ke siti cerita.
"Ka kini nuan igat? bebai bungai ngemesai negmayuhnya? Bisi date pai?"
"Eeeee... ka ngabas kubur indai seduai apai. Nya aku sengaja meli bungai tu. Endan tiap kali aku kia segi meli bungai aku aya?"
"Pia. Nadai meh guna meri bungai ngagai orang ke udah mati igat!"
"Eeeeeee....anang sengapa nuan aya. Nya tanda basa kitai ngagai sida ke udah matinya aya!!!"
"Ukai nama igat, Uji tak lebuh seduai iya agi idup nuan meri seduai bungai bakatu. Nya nyau mati."
Temati kutu igat ninga jaku ayanya. Aimata iya labuh keberai. Ngenang pengamat jaku aya nya. Igat nyau teduduk di tanah.

Nya..... enda sinu kitai meda cerita tu????? Cerita tu chukup meri keinsafan ngagai aku bala kaban semua. Amat jaku dalam cerita tu. Uji seadgi sida idup katai meri bungai baka kitai meri bungai nagai sulu kitai. uji sium kuyu sida lebuh kitai pulai ke menua baka sida nyium kuyu kiyai agi mit kelia. Uji meri apa aja utai ke deka diempa sida baka sida bekisk bulu betis negiga ke kitai menya..... Uji meh! Enti bejalai ke sebelah pasar, pegai meh enggau rat jari sida baka sida negai rat jari kita jeman dulu. Berap meh sida lebuh sida sinu enda nyamai ati. Beguai meh mai sida berubat enti sida sakit.

Uji meh!!! Pegai jari sida! Sium Kuyu Sida! Jaga meh sida..... Enti bisi ari pulai meh ke menua. Anang ngelak ke sida nganti enggau aimata. Sida enda madah ke katai kaban semua. Kitai nemu-nemu meh ngau sida. Enda sida minta lebih-lebih deh....... Seagi sida agi idup ngau kitai. Ngai ke nesal dudi ari........

Belega Enda Lama

2009-01-05T18:15:00.000-08:00

hahahahaha...... saharitu aku datai baru kaban semua. Nemu kitak reti belega enda lama munyi ko topik di atas tu?? Aku pan ngelamatu semina nemu reti belega nya kitai misah / ninggal ke panggan diri enda lama. Tang lebuh aku pulai ke menua permisi ujung taun tu tadi din aku nemu rati belega tu kebendar iya. Kebuah pia laban aku pulai ke menua kin diak aku tekenyit meda laki kazen aku nadai. Diak aku lalu nanya ngagai auntie aku. Iya madah seduai melaki benung belega. Kebuah pia ko auntie aku laban maya orang nurun ngambi kazen aku suba sida laki kazen aku serumah bisi orang ninggal. Pia mega lebuh seduai iya mulai kediri ke rumah laki iya pan siku da agi orang ninggal di rumah laki iya. Kazen aku empu pan sakit mega. Laban agi pechaya enggau adat lama nya alai seduai kazen enggau laki iya belega ngai ke utai jai nyadi.......Apoooo neyyyyy wai kenya padu hal.....!!!!

Leka ke dulu ga pasal belega melaki bini. Sekali tu aku ka ga ngelansa pasal belega enggau diri sebilik. Kati nuan bisi anak tau ka bala menyadi ke baru masuk sekula taun tu??? Enti bisi tu tau meh dikumbai orang belega. Aku kenya meh. Kemari iyanya 5 hb januanri 2009 bepun meh menyadi biak aku masuk ke dunya sekula. Iya masuk tadika. Ka amat orang empu sekula. Enda nyalah baka aku kelia. Nyau teringat ke lebuh aku ngau adik aku nya bebeli perengka sekula ga aku. Mayanya semua perengka sekula iya udah di beli magang baka sida deg, pensil, buku enggau mayuh agi. Tang siti aja agi tinggal laban orang tadika tu lain mimit pakaian sida. Nya ti ngasuh aku tusah begiga baju enggau skirt iya. Pemuas-muas ke bejalai peda aku lalu nyabak orang empu.. sinu aku meda bala kaban. Adik ku tu nyabak enda tak rung-rung kaban semua. Semin aimata iya ke labuh keberai singut-singut. Lau ditanya aku iay.

Tu meh tudah adik aku.....ENDUN CECELIA ANNIE

"Dik, nama nuan nyabak deh?"
Mengkang enda nyaut orang empu. Majak nyabak.

"Nama kebuah nuan nyabak. Ngiga mak nuan pia" ku aku nanya laban mayanya parents aku nadai ngau kami duai bebeli perengka sekula.

"Ukai.."
"Tua lalu bedau meli ke aku baju sekula enggauskirt"
"Nadai guna tua meli pen enggau buku enti aku nadai baju sekula. Keni aku ka sekula deh??"

Ooooo...pia dehnya tadi. Baru aku mereti utai ke ngasuh iya nybak. Empa pengeka iya sekul mehnya kini. Amat endar ga runding iya nya. Baju sekula enggau skirt nadai kei ka sekula deh???? hahahahahahahaha.....anak mit, tubuh aja ke mit tang kadang-kadang runding sida udah tuai. Pia mega pulai iya sekula kemari terus iya telefon aku (laban aku diatu dah pulai kerja baru ke menua mayau) madah ke iya bisi kaban baru di sekula din. Madah kediri enda nyabak tinggal kediri di sekula.... Amin. Manah meh enti kenya.....

Kati ngik bala kaban semua deh?????

Singkang

2009-01-04T18:28:00.000-08:00

Aloooooo... selamat taun baru ngagai semua bala semua. Nama berita kitak taun baru tu. Bisi insur kini wai? Bisi ngasai ke penampak kini ibu aya? Eeeeee.... munyi ke mapap seredah ga tudah aku tu kaban semua. Nyau enda berasai taun 2008 nyingkang ninggal ke kitai taun 2009 nyau datai ga ngagai. Nyau betambah ga umur kitai ney.... Ngik aku pan bakanya meh. Taun tu enti baka manuk nyau tau dikebat ke taji iya (pelaba aku meh, hehehe nganti nyanya aku empu meh). Ukai pia wai kaban semua, lebuh 1 Januari 2009 tu tadi uncle (28 taun) aku ke tuai mimit ari aku udah ga nyingkang ngagai pengidup ke baru. Munyi ko orang, uncle aku udah ga bulih buah ayam emperuji mata ke enda disagi iya lenyau lalu ditanggan seduai iya ngena temuku tali semaya bebelah pinang duduk berimbai di atas tawak... bepum arinya pengidup bujang pnegidup kediri nyau udah diisi. Udah bisi ga orang ngau begulai. Enti pulai gawa lemai bisi ga orang nganti di mua pintu. Enti lapar ngau aus ka ngirup bisi ga orang nyumai....

"Uncle nuan udah dom, nuan kemaya deh?? Anang kelalu laun dom. Kami duai indai nuan ka meh ngasai bisi uchuk baka ngik orang."

hehehehehehe....temati kutu tudah kaban ninga jaku bos bakanya... sapa ngai bisi ruang bilik ke diri empu. Tang ke ngasuh hati aku irau aku empu pan enda nemu sapa enda calon ke sesuai ngisi form.... Kebuah pia, kaban nya mayuh tang sulu ati nya ke empai bisi. Bedau setemu enggau orang ke endang jodoh diri mehnya kini. Ukai ga reti iya tudah diri tu kelalu milih, enda! Tang aku bisi ati irau meda bala kaban ke udah beruang bilik enda entap sarak becerai berai... Nya meh utai ke dikenggai ke aku. Munyi ko orang, enti ati bedau entap ka beruang bilik manah anag. Ni alah udah bisi bini agi ga ati ka bujang merening indu dara ke mansa baka mata menaul lapar agi ka enggau orang bejegau malam....eeeee......enggai aku enti kenya. Ke di kedeka aku segi harmoni meh ruang bilik aku... Bini anak idup enggau lantang senang nadai utai ngachau runding enggau pendiau.... Enti ari pengentap ati, udah entap amat ga ati tu ka bisi sulu ati permaisuri dalam pengidup nyadi ke tawing idup did dunya ngau di serega jemah ila... semina probelem iya tudah diri tak nadai calon....... hahahahahahahah...

Neeeeeeiiiiii...tinggal ke meh dulu sesempa rampang pinang pasal peminta parents akunya deh. Lebuh nyingkang taun 2009 tu aku berasai cukup lantang cukup gaga. Lalu ngau pegasai tu terus mai penampak dalam pengidup aku, nuan ngau kitak semua.

Ensera Uging

2008-12-22T20:48:00.000-08:00

Ditusi: Akat Damu (My daddy)

Bisi dulu kelia bisi siku orang ke benama Uging. Iya diau kediri nadai orang enggau begulai. Laban iya nadai bini, nadai apai indai enggau begulai. Uging mega baka orang bukai rambau nya kelia. Ngidup kediri bumai betaun.

Nyadi bisi sekali Uging di rumah nadai gawa ke tanah. Iya diau di rumah ngaga bila bubu. Kira nyau tinggi hari diak iya bisi ninga orang ngangau nanya ke penyadi rumah. Ninga orang bisi ngangau ari tanah, diak Uging lalu nilik ari rumah iya. Diak Uging bisi meda orang bediri ba tengah laman semak kaki tangga.

Uging madah ke rumah iya tau ditiki. Tang Uging enda ngelala orangnya. Gamal orangnya besai sereta tinggi. Ninga Uging madah ka rumah iya tau ditiki, orangnya pan lalu niki. Sereta datai dalam rumah, orangnya nadai bejaku, tak nadai bebah-bah tak lalu ngerekak Uging nadai bepadah. Nama agi deh tudah Uging tak lalu diinsah ka orangnya meh enggau penapat inat. Iya meh tudah Uging nyau ambis tekemi-kemi, tebira-bira. Nyau ambis deka luput tudah Uging nya baru orangnya badu nginsa Uging. Orangnya pan lalu mulai kediri.

Udahnya baru meh tudah Uging nemu orang ke udah nginsah iya nya tadi ukai kitai mensia tang nya Antu Raya. Udah antunya pulai diak tudah Uging bejaku kediri.
“Parai meh diinsah antunya tadi” pia ku tudah Uging.

Kedua hari udahnya, datai baru mega antunya. Datai iya ba tengah laman rumah Uging, diak antunya pan nganggau ka Uging. Tang Uging enda nyaut semina tak duduk dalam rumah enda memunyi. Ninga Uging nadai memunyi, antu pan lalu niki.
Sereta lalu tama ke bilik Uging, dia iya meda Uging bisi duduk dalam bilik. Antunya pan nadai chechamang tak lalu berengkah nginsah Uging baru. Insah iya Uging sampai Uging nyau ka luput baru iya badu nginsah Uging. Udahnya antu tadi pan lalu mulai ka diri ke kampung baru.

Udah antunya pulai, Uging pan bejaku kediri.
“Ah… merinsa endar ditundi antunya neh” ku Uging bejaku kediri. Uging pan berunding. “Dini alai aku tu belalai pagila” ku ati Uging.
“Manah aku belalai di sadau” ko ati Uging.
Iya meh malam udah makai, tinduk mega tudah Uging. Iya meh hari tawas Uging lalu niki ke sadau. Lalu belalai di sadau din. Kira nyau tinggi mata panas, dinga Uginga datai baru ga antunya. Dinga antunya pan nyau datai semak rumah Uging. Dinga udahnya pan lalu ngaggau ka Uging. Tang Uging sigi enda nyaut. Ninga Uging nadai nyaut, antu pan lalu niki. Datai di dalam bilik Uging, peda iya nadai ga Uging ayan. Giga iya nadai ga Uging. Kanggau ke iya pan nadai mega Uging nyaut.

“Uji aku niki ke sadau” kenu ko antunya bejaku.
Datai iya di sadau, peda iya Uging bisi di sadau. Nama agi deh. Nadai chechamang baka dua hari ke udah, iya lalu berengkahnginsah tudah Uging baru. Insah iya amat-amat tudah Uging sampai tudah tuai nyau ka luput baru iya badu nginsh Uging. Antu pan lalu mulai ke diri baru.

Uging pan berunding. “Amat merinsa aku diayah ke antunya neh” ku Uging. Sepengudah ke tembu makai lemainya Uging pan ninduk Kediri nat ka bekau udah lelak diinsah antunya tadi. Enda berasai tinduk, hari pan tawas. Paginya Uging berunding ke endur iya ulih ngelalai kediri saharinya laban iya segi nemu antu nya segi datai baru. Puas ke berunding, diak Uging deka belalai dalam giling tikai ba pemanggai.

Iya meh nyau tinggi hari, diak Uging lalu niki ke pemanggai serta lalu tama dalam giling tikai. Bedau lama Uging udah ngelalai kediri dalam giling tikai, diak iya ninga antunya bisi nganggau ke iya ari tanah. Tang Uging enda nyaut. Semina engketut nat ke ati ti takut dalam giling tikai. Ninga Uging nadai nyaut, antu pan lalu niki ke rumah.

Datai di bilik diak antunya lalu gining-gining ngiga penungga Uging. Nyau kepuas, diak antu lalu bejaku dinga Uging ari giling tikai endur iya belalai.
“Eh… ka tinduk mata tu” ku antunya dinga Uging.
“Manah aku nganchau tikai Ugingnya” ku antunya bejaku baru.

Antunya pan lalu narit ari pemanggai sereta lalu dianchau. Peda iya Uging bisi dalam giling tikainya. Nama agi deh tak enda kakang meh iya lalu berengkah nginsah Uging baru. Uging diinsah iya sampai tudah Uging nyau ka luput. Nya baru antunya badu nginsah Uging. Udahnya antu pan lalu mulai kediri baru. Udah antunya pulai, Uging pan bejaku Kediri berandau nengali. “Ah… merinsa bendar meh aku tu diayah ke antunta” kenu ku mutap Uging.

“Dini meh aku tu naruh diri pagila” ku Uging. Enda berasai berunding hari pan malam. Sepengudah makai Uging pan tinduk. Iya meh pagi, Uging lalu berunding deka naruh diri dalam tajau sarang beras.

Iya meh hari nyau tinggi Uging pan lalu tama tajau sarang beras. Diak meh tudah Uging nat kediri dalam tajau sarang beras. Enda lama udahnya, diak Uging bisi ninga antunya datai baru. Datai semak rumah diak antunya lalu nganggau ke Uging baru. Baka hari ke udah-udah. Tang Uging sigi enda nyaut tang semina nat ke penakut dalam tajau sarang beras din.

Ninga Uging nadai nyaut, antunya pan lalu niki ke rumah. Datai di bilik iya lalu ngiga Uging baru. Kanggau ke iya Uging nadai ga nyaut. Nyau kepuas antu pan bejaku dinga Uging.
“Eh… lapar endar perut tu. Manah agi aku berapi manduk beras Ugingnya” pia ku antu. Iya lalu bgerebak ke tudung tajau sarang beras Uging. Peda iya Uging bisi dia.

Nama agi deh. Tak lalu ditarit iya tudah Uging ari tajau sarang berasnya. Iya meh Uging udah pansut ari tajau sarang berasnya, Uging lalu diinsah antunya baru baka ke dulu-dulu. Iya meh Uging nyau ka luput baru antu ngelengka ke Uging. Antu pan lalu pulai kediri baru.

Udah antunya pulai, dia Uging pan bejaku kediri lalu berunding bakani chara iya ulih munuh antunya. Nyau kepuas-puas ke berunding. Diak Uging lalu tulih ke akal siti.
“Manah aku nguji ngaga bubu” ku ati tudah Uging. Udah putus runding dia Uging lalu nurun ngiga perin ke bilak bubu. Uging mega lalu ngiga rutan dikena iya ngelalin bubu. Udah Uging bulih semua rengka ke dikena ngaga bubu, Uging pan lalu mai semuanya pulai ke rumah.

Datai iya di rumah, Uging pan lalu berengkah melah perin ke lambar bubu. Udah semua tembu. Uging pan lalu berengkah ngaga bubu. Lalu gaga Uging selemai-lemai tamping ngagai malam. Iya meh hari ka tawas. Bubu Uging pan tembu. Bubu Uging besai bendar gaga iya bela enggau mua pintu. Peninggi iya umbas bendar endur bediri. Bubunya lalu ditan ke Uging ba mua pintu iya diak.

Udah Uging tembu nan bubu, Uging lalu nuduk kediri dalam bilik. Kiri nyau tinggi mata panas antu pan datai baru. Ari jauh dia iya lalu ngaggau ke Uging.
“Ni nuan Uging. Bisi di rumah nuan” ku antunya dinga Uging. Uging lalu nyaut. “Tu aku. Bisi ditu meh aku nadai mindah. Niki meh” ku Uging.
Antu pan lalu berumban niki ke rumah Uging laban ke berumban niki diak antunya nadai merati ka utai bukai. Datai iya bap ala tangga diak iya lalu ketawa rakah-rakah lebuh iya meda Uging bisi duduk dugau-dugau ba tengah bilik. Enda berasai antunya pan lalu tama bubu Uging. Ka iya pansut enda ulih laban bubunya chukup tegap di gaga Uging. Meda antunya kusil-kusil ngiga jalai pansut, diak Uging lalu mantai ke sangkuh iya ari pemanggai. Sereta udahnya diak uging lalu ngerejang antunya. Peda antunya nyau burak mata sangkuh Uging. Deka ngena rusuk iya.
“Apu…” Ku antu.
“Anang munuh aku meh Uging. Kasih ke aku” KU antu bejaku baru.
“Aku enda kasih ke nuan. Sigi deka munuh nuan, merinsa bendar aku berapahari tu ke udah diinsah nuannya. Nya alai saharitu, tu idar aku mega medis nuan” Ku Uging. Lalu rejang ka Uging baru sangkuh iya ngagai antu ke benung dalam bubu.
“Anang munuh aku Uging” Ku antu bejaku baru.
“Lagi aku meri nuan tajau” Ko antu.
“Eh…aku enda beguna tajau. Aku bisi tajau” ku Uging bejaku baru.
“Kati enti aku meri nuan tawak deh Uging?”
“Tawak enggai” Ku Uging nimbal.
“Kati enti gong deh Uging?”.
“Nya enggai mh aku” Ku Uging nyaut antunya baru.
“Nama utai kedeka nuan deh Uging?”
“Aku sigi nadai utai kedeka. Semina ending deka munuh nuan aja. Laban pedis endar aku jamah nuan berapa hari ke udah” Ku Uging.
“Anang bakanya meh Uging. Lagi meh aku meri nuan tinchin ajih” Ku antu madah ka Uging.
“Eh… bula nuan” Ku timbale Uging.
“Amat Uging” Ku antu.
“Enda aku bula ke nuan”. Udahnya antu pan lalu nyua ke tinchin ajih ngagai Uging.
Uging pan lalu nguji ke tinchin ajih ke diberi antu rayanya.
“Enti nuan tinchin ajih ti amat bias. Aku saharitu deka minta semua pemakai ke nyamai-nyamai” Ku Uging.

Enda lama udahnya peda datai semua pemakai ke dipinta Uging. Nya baru Uging pechaya ke tinchin ajihnya. Udahnya Uging pan lalu ngelepas ke antunya ari dalam bubu. Anatunya pan lalu mulai kediri ke dalam kampong puang. Uging pan nyau kaya-raya mega laban tinchin pengajihnya.

Ngayap

2008-12-22T01:46:00.000-08:00

NGAYAP
In Iban community, Ngayap is a custom. According to Joshua Meling (1988:88, translated by Jonathan Singki Lintan), Ngayap is one of Iban word; mean, “love customary”. This custom was practiced in Iban community especially in single man contexts or not married man date with single woman or not married woman in kibung or bed at the night. These customs have been alive along time ago and inherited from them ancestors.

According to my late grandfather 12 years ago, even though Ngayap activities did at night but single man and his group always avoid to make any noise that can disturbed others people whose slept in bilik. Sometime, a single man tried to make his Ngayap as a secret and confidential. My late grandfather said:

“Whatever, please don’t make any misjudge or misunderstanding about the reason of Ngayap. It’s not for any “black” reason or “doing something”, but it is more to make tough relationship. It is because in our time, from Ngayap we’ll find our future wife. But it is not very easily. Sometime the single woman don’t accept you if you don’t show yours strength like get an antu pala (bedengah / basah jari) or something like hardworking and so on”.

From my own opinion, Ngayap is very unique cultural. For example, at that time a single man will be play a ruding (according to Joshua Meling, 1988:88, ruding is more to Jew harp). When a single man play this stuff, the melody from ruding will tell the single woman about desire of man. Then, single woman will give response to the melody from man ruding. If the melody from the woman is positive then the man can Ngayap at that night. If the response from that woman ruding melody is negative then the man will cancel his plan. If the single man still with his desire to Ngayap at that night, the woman might be tell her parents of light up the lamp.

Moreover, in Iban customary, Ngayap from single man to single woman has a limit which is a single man only can Ngayap a single woman not more than tree time. According to Joshua Meling (1988), first time Ngayap reason is just for an ace-breaking session with short discussion. Second time Ngayap reason is to make relationship more clear. May be a long time will be use, and may be with more proper way and proper manner if compare with the first Ngayap. Thirdly or lastly Ngayap reason is for a man makes any decision either will propose that woman or not. To show how much that man sincere, he will give the woman a gift. Awhile from that, man representative will propose that woman with a proper way and proper adat/custom. Here, this meeting will make decision when, what, where the weeding day will be doing.

Note: Nowadays, Ngayap already spread around the world and surely many people knew about this Ngayap. But, sadly to say; some information that spread to any place and any person, already make any plus, divide, minus here any there which is make it’s untrue or wrong info. While that, if we going back to our nenek moyang time, Ngayap only for Iban community but restricted for an outsider. This restricted doesn’t mean that Iban community not allows interracial married. But it is a custom and not every people can do it. Obviously, Ngayap's based on spirit of friendship, understanding, and also tolerant with each others. From that, at that time, mostly this man and woman married each others because of this spirit from Ngayap. On the other hand, the modernization and globalization already give impact or change Ngayap activities; it’s likely no more suitable or relevant. This is especially in areas that already absorbed the others cultural and these things make it distinct; especially appearing of SMS, handset, e-mail or blog. All sort of this thing indirectly impacted this Ngayap.

Reference:
Joshua Meling, (1988). (Translated by Jonathan Singki Lintan). Aspek Sosial, Kebudayaan dan Keagamaan Masyarakat Iban Di Sarawak. Dalam Adat Resam Penduduk Sarawak. Kuching: Dewan Bahasa dan Pustaka Cawangan Sarawak.

A pieces of Memory of Randau with my late grandfather; Nyipa Manan in 1996 which is I still remember till today. At this time I was very young but I really love and like to hear my beloved late grandfather berensera. Apart from that was his Ngayap experience.

Nya Iya Bulih

2008-12-17T23:21:00.000-08:00

Empanggup benung beraksi di depan kamera.

"Please la boss, i'm very uncomfortable with this flash. I feel very shy went a little beautiful girl staring at me!!!"

"Please la boss, i promise to behave myself from now and onward"

BAKAM–SUAI–TANJUNG KIDURONG COASTAL ROADS

2008-12-17T22:08:00.000-08:00

ABSTRACT

IMPLICATIONS OF BAKAM–SUAI–TANJUNG KIDURONG COASTAL ROADS NETWORK DEVELOPMENT TOWARDS IBAN LONGHOUSES COMMUNITY’S SOCIO-ECONOMIC AT SUAI HILIR AREA

Rich Croco

Sarawak has achieved rapid development, but the development only focused in the urban areas. Eventhough, the majority of the populations who live in rural areas constantly neglected and left behind from accessibility towards amenities infrastructure such as clinic, school and the place for get the daily needs. However, they continuely live in poverty. Research has been conducted at four Iban longhouses in Suai area with questionnaire as a main tools to get the data from 73 respondents. Main objective of the research is to identify the implications of Bakam–Suai–Tanjung Kidurong Coastal Roads Network development towards Iban longhouses community’Ss socio-economic at Suai Hilir area. The specific objectives are (i) to identify characteristics of community’s demography, (ii) community’s sosio-economic activities, (iii) impact of the development of the roads towards community’s social and economic, (iv) to study the community perceptions, and (v) to determine the community’s iniciatives for improve their own life. Due to the development of this road, findings show that there are major changes in community’s economic activities, social, and accessibility towards amenities infrastructure.

ABSTRAK

IMPLIKASI PEMBANGUNAN JARINGAN JALAN RAYA PERSISIRAN PANTAI BAKAM–SUAI–TANJUNG KIDURONG TERHADAP SOSIO-EKONOMI PENDUDUK RUMAH PANJANG IBAN DI KAWASAN SUAI HILIR

Rich Croco

Negeri Sarawak telah mencapai pembangunan yang pesat, akan tetapi pembangunan tersebut hanya tertumpu di kawasan bandar sahaja. Walaubagaimanapun, kebanyakkan penduduknya yang tinggal di kawasan luar bandar terus terpinggir serta ketinggalan dari segi dayacapai terhadap kemudahan prasarana asas seperti klinik, sekolah dan tempat untuk mendapatkan keperluan harian. Malahan penduduk tersebut terus dibelenggu kemiskinan. Kajian ini dijalankan di empat buah rumah panjang Iban di kawasan Suai dengan menggunakan borang soal selidik sebagai alat kajian utama untuk mendapatkan data daripada 73 responden. Objektif utama kajian ini adalah untuk mengenalpasti implikasi pembangunan jaringan Jalan Raya Persisiran Pantai Bakam–Suai–Tanjung Kidurong terhadap sosio-ekonomi penduduk yang terlibat. Objektif khususnya pula adalah (i) untuk mengenalpasti ciri-ciri demografi penduduk, (ii) kegiatan sosio-ekonomi penduduk, (iii) impak kewujudan jalan raya tersebut terhadap sosial dan ekonomi penduduk, (iv) meninjau persepsi penduduk dan (v) melihat inisiatif penduduk untuk memajukan diri. Ekoran daripada pembangunan jalan raya tersebut, dapatan kajian menunjukkan bahawa terdapat perubahan ketara terhadap kegiatan ekonomi, sosial, serta dayacapai penduduk terhadap kemudahan prasarana asas.

Lalu Meh / Welcome to My Page

2008-12-17T21:32:00.000-08:00

Kemari nuan ditisi, Saharitu nuan pegi, Pagila bedau temu reti, Lusa pan tetap nganti.... Kadang-kadang MIMPI amat manah, Lebuh tedani kitai nemu iya SEMINA mimpi,

Tak malu meh tudah diri baka ke luba-luba,
Niat ati ka nukang ke dabung jarang ngambi nyengenda,
Ka mantai ke sada nyawa ati mamau seruran bergelora,
Ka madah ke diri selalu meda tang ayas di mata,

Tak rugi meh emperuji ati tudah aku wai kumang,
Ngelamatu nuan ditisi tang enda diikat ngena selung belulang,
Diatu nuan pegi ninggal nda madah dulu ngejang,
Tusah meh aku sulu ayam mata laban bala nuan milih ngasuh semaya tua selawang...